ევო მორალესი

	ევო მორალესი
	;
ბოლივიის პრეზიდენტი
თანამდებობაზე ყოფნის დრო
	26 იანვარი 2006 – 11 ნოემბერი, 2019
წინამორბედი	ედუარდო როდრიგესი
მემკვიდრე	ხეანინე ანიესი
დაბადებული	26 ოქტომბერი, 1959; ორინოკა, ორურო, ბოლივია
ეროვნება	აიმარა
რელიგია	კათოლიკე

ხუან ევო მორალეს აიმა (ესპ. Juan Evo Morales Ayma; დ. 26 ოქტომბერი, 1959, ორინოკა, ორურო, ბოლივია) — ბოლივიელი პოლიტიკური მოღვაწე, ბოლივიის პრეზიდენტი 2006-2019 წლებში. ეროვნებით აიმარა. იგი ესპანეთის კოლონიზაციიდან მოყოლებული ბოლივიის პირველი ადგილობრივი მმართველია.

ბიოგრაფია

დაიბადა ღარიბი ინდიელი გლეხის ოჯახში. მისივე სიტყვებით: „ერთადერთი, რაც ჩვენს სახლში მუდმივად იდგა, ეს იყო სიმინდის ტომარა, მისგან დედა გვიმზადებდა საუზმეს, სადილს, ვახშამს. დღესასწაულებზე დედა გვაძლევდა გამხმარი ხორცის პატარა ნაჭრებს.“ მას საშუალო განათლება არ მიუღია. მისი ოჯახი გადასახლდა ქალაქ ორუროში, საიდანაც იგი გაიწვიეს სამხედრო სამსახურში, სადაც იგი უკრავდა სამხედრო ორკესტრში. 1980-იანი წლების დასაწყისში იგი გაემგზავრა ქვეყნის მთიან რეგიონში, რომელიც ცნობილი იყო კოკაინის ხის პლანტაციებით. რამდენიმე ხანში იგი გახდა კოკაინის ხის მწარმოებელთა პროფკავშირის ლიდერი.

1995 წელს დააარსა პოლიტიკური „მოძრაობა სოციალიზმისაკენ“ (ესპ. Movimiento al Socialismo; MAS) და მონაწილეობა მიიღო ეროვნული კონგრესის არჩევნებში.

2002 წლის საპრეზიდენტო არჩევნებში დაიკავა მეორე ადგილი, ხოლო 2005 წლის 18 დეკემბერს გამართულ საპრეზიდენტო არჩევნებში წარმატებას მიაღწია. პრეზიდენტის თანამდებობა დაიკავა 2006 წლის 22 იანვარს.

ასევე წარმატებას მიაღწია 2009 წლის საპრეზიდენტო არჩევნებში და მიიღო ხმების 63 %.^[1]